Grupo SSI gara, eta, 1986. urteaz geroztik, gizarte-kalteberatasun eta mendekotasun-egoeran dauden pertsonen bizi-kalitatea hobetzeko lan egiten dugu.

Lehen urte haietan, etxeko laguntza-zerbitzuan egiten ziren zereginak edukiz bete ziren, eta gero eta modu profesionalagoan antolatu, lehenetsi eta egituratu zituzten.

Egiteko horrek errekonozimendu publiko eta pribatua merezi izan zuen, Eusko Jaurlaritzaren eta Enpleguko Institutu Nazionalaren diplomen bitartez, baina Grupo SSIk lanbideari prestakuntza aitortua emateko zuen aldarrikapena beranduxeago lortu zen. Izan ere, oraintsu sartu dira indarrean Profesionaltasun Ziurtagiriak.

Araudirik ezak ez zion eragotzi Grupo SSIri prestakuntza-ibilbide propioak eraikitzea, eta hainbeste urtez buru-belarri aritu ondoren, etxeko laguntzako laguntzaile bihurtu ziren emakume langileak.

Bestalde, adinekoen eta babesgabetasun-egoeran dauden pertsonen beharrei erantzuten zaie. Hala, 1997an lehen eriondoko zentroa ireki zen, eta 2001ean, Grupo SSI Bilboko Gizarte Larrialdietako Udal Zerbitzuan sartu zen.

Aldi berean, 2004. urteaz geroztik, zerbitzu-zorroa ugaritu egin zen, baita gizarteratze- eta laneratze-prozesuen bidez etxean eta etxetik kanpo laguntza emateko Grupo SSIn sartu ziren langileen kopurua ere.

Etxeko laguntza-zerbitzuak ziklo bat itxi zuen eta beste bat ireki, zeinean mendekotasuna, kronikotasuna, osasuna eta pertsonen zerbitzura dauden teknologia berriak gure gizartean indarrez sartu ziren. Eta Grupo SSIk alderdi horiek txertatzen ditu bere egunerokotasun profesionalean.

Ezagutzaren kudeaketa-arloak apustu sendoa egiten du zaintzaileek gaitasun digitalak eskura ditzaten, IKTei eta zainketa integratuei lotutako prestakuntza-espezialitateen bidez.

2011n, prestakuntza-jarduera berritzaile hori indartu egin zen: Home Care Lab (HCL) berrikuntza-dibisioa eta lehenengo Living Lab soziosanitarioa, Euskadin aitzindaria, sortu ziren, eta 2012. urtean, Training Center (Simon Bolivar kalean).

2016an, Grupo SSIk 30. urteurrena bete zuen, sektore soziosanitarioan, SOCEM HUB dibisioan, berrikuntza sozioteknologikoko Europako proiektuetan gogoz parte hartzen eta gizarte-ekintzailetzako proiektuak mentorizatzen eta babesten murgilduta.

Talde kooperatiboak presentzia handia du Bizkaian, hala nola Bilbon, Etxebarrin, Muskizen, Uribe Kostako Mankomunitatean, Zornotzan edo Abanto-Zierbenan, eta Donostian, adinekoen hainbat elkarterekin.

Grupo SSI, 2018an, Lasarte-Oriako eguneko arreta zentroa kudeatzen hasi zen, eta emaitza oso onak lortu zituen. Gipuzkoan bere jarduera sendotzeko asmoz, Arrasaten egoitza bat zabaltzea erabaki zuen, udalerri horretan gaur egun eskaintzen duen Etxeko Arreta zerbitzuari estaldura handiagoa eskaintzeko asmoz.

Azken urteotan, hainbat proiektu sendotu dira, hala nola Begirada Aktiboa eta aurrez aurreko oinarri teknologikodun formatu berri batzuk. Helburua da nahi gabeko bakardadearen sentimendua eta ahultasun soziala minimizatzea adinkoengan, komunitatean harremanak bultzatuta.

Aldi berean, programa berriak sortu ziren, eta horiek arreta jarri zuten zilarrezko ekonomiako (MugiAdin) lan-aukerak sortzen. 2021az geroztik, ZainLab-ek, zainketen ekonomiaren bidez, lan-merkatua sortzen laguntzen du, profil berriak sortzen eta sektore horretan rol eta gaitasun profesional berriak identifikatzen.

2022ko otsailean, Grupo SSIk BBKrekin, Barakaldo Udalarekin, Lanbideren laguntzarekin, sinatutako lankidetza-hitzarmen baten ondorioz, SEEK (Silver Economy Eskola) zabaldu zen Barakaldon. Gune berritzailea da, Living Lab bat du, eta horrek zainketen eta adinekoen eremuan, prestakuntza eta ekintzailetza eta nahi gabeko bakardadearen prebentzioa bateratzen ditu.

Hamar urtez baino gehiagoz gizartea eraldatzen lagundu ostean, Grupo SSIk Home Care Lab-en (HCL) hamargarren urteurrena ospatu du “10 urte gizartea eraldatzen laguntzen” lelopean.